主菜系白胡椒猪肚鸡，小煲，大概有4分1只鸡，只鸡应该几大，汤底有沙参玉竹枸杞子红枣，猪肚爽，鸡肉够身，鸡皮爽脆，沙参酸酸甜甜，就系汤底d胡椒多左，稍嫌辣d，饮左一碗就唔受得，埋单时店员问意见仲解释前段时间d客人觉得汤底唔够辣所以呢期加多d胡椒，嗯，只能讲我地口味偏清淡。 每台都有调味盒，芫茜辣椒粒红葱头，不过我都系中意食原味，咩都无落，汤底已经够味。 |手工福袋^手工福袋，4只，外边系豆腐皮，包住里面既鱼肉，混左d鱼籽，所以口感外软里面卜卜脆？ |田园蔬菜拼盘^因为个套餐无蔬菜，所以加左个田园时蔬拼盘，咩藜呢?原来就系三种叶菜，选左菠菜油麦菜生菜，因为装菜个碗都系一样大，但系三拼贵过单拼喔…… |至尊腊味煲仔饭^最后上至尊腊味煲仔饭，中煲，米饭焗得够晒透心，油水真系足够，腊肠同腊肉都多。